مصر هى امى .. ولابتشتغلنى؟؟

[center]مصر هى امى

ولا بتشتغلني!!!?

انا ابنها وضناها

ولا ابن بالتبنى!!!?

بتفرق ليه مابينى

وبين اخويا الكبير

وتطلع ليه فى عينى

لجل ما يلبس حرير!!!?

وتقولى اصبر شوية

يا ضنايا يانور عنيا

امى بتضحك عليا

مانا شايف خير كتير

مش لاقى فى بلدى شقة

وامى تقولى الظروف

افطر واتغدى دقة

واللحمة للضيوف

واخويا ابن اللذينا

واخد فيللا فى مارينا

وبسين وكمان جنينة

وانا اسكت غصب عنى

ماهى امى بتشتغلنى

مش لاقى وظيفة ليا

اصرف منها واعيش

ومعنديش محسوبية

بالتالى دخلت جيش

واخويا حظه نار

وبيقبض بالدولار

امى بتديله كوسه

وتصدرلى الخيار

مصر هى امى

ولابتشتغلنى ؟!!

توبيك جامد يارورو
بس مصر بتشتغلنا مش امنا وممكن تكون فى غيبوبه

هههههههههه

فعلا بتشتغلنى ... بس العيب مش فيها

مشكورين على المرور

ههههههههههههههههههههههههههههه

متفرقشى امى ولا ابويا كلة فى الفاضى

انا مش هرد عشان مليش دعوة بالسياسة

بس على العموم كله بيشتغل كله

ميرسى على المرور

منور التوبيك

امين

منورة التوبيك ياأية